Guggemuusig Rhyschwalbe Startseite Sujets 1963-Heute
Gallery
  • Fasnachtsmittwoch 2015
Besucher Zähler
HeuteHeute14
GesternGestern35
Diese WocheDiese Woche79
Dieser MonatDieser Monat957
GesamtGesamt166899

Fasnachts-Sujets

2017 E bitzeli EU aber aigedlig nie rächt
Iir Pfund isch iine vyyl lieber als am Räscht,
Drum hänn sii abgstumme eb sii wänn dinne blyybe,
und dääne glar gseit, liebi EU mir leens doch blyybe.
Mir sin hetz frei und kenne mache was mir mechte,
und au dr Wirtschaft goots nit schlächter eenter besser,
Die Schlagsyte vom Euroschliffli, jo die isch Fatal,
drum ganz gschind fuurt, alles anderi wäär e Gwaal
Mir mache lieber unsere Wääg wiider elai,
God save the Queen, hasta la vista und Good Bye

Vortrab:
EU iibergangshäxe mache Mobil
Requisit:
isch s Euroschiff mit Schlagsyte
Guggemajor:
isch Queen
Spiil:
sin die gmietlige Ängländer
2016 Grexit, Stutz, Buff und Stress
D Grieche hänn e Finanzproblem,
wo si elegant leese leen,
Stütz pumpe und Gäld drugge,
wie sy au dr Wyy dien schlugge.
Egal weeles Fass, es het kai Boode,
gnau das ischiiri Methode.
Ganz noonem Motto:
Mir Grieche rieche do ligt eppis drin,
au wenn mir nyt derglyyche dien.

Voordrab:
sin Häxe wo frisches Gäld aane zaubere
Requisit:
mit Stei wo nyt me wäärt sin
Guggemajor:
dr Zeus als Waggisdame, luegt ganz verspannt uf s griechische Pleiteland
Spiil:
sin Grieche, wo im Fässli schiffle. 
2015 Circuswält - Wältcircus
Gwalt und Eeländ herrscht iiberall,
und au in Basel gits Grawall
Me het kei Gspass und au kei Pfuus,
nei, es isch alles numme no e Gruus
Und so sotts wyter go, Joor yy Joor uss,
aber das isch uns z dumm mir brächen uss
Denn das ka doch nit alles syy im Lääbe,
drum wänn mir s nei belääbe
Freelig lächlnd laade mir eych yy,
denn Basel soll jetzt unseri Manege syy

Voordraab:
sin Häxe mit eme verzauberete Gloon
Requisit:
isch e rollends Circuszält
Major:
isch dr Obergloon
Spiil:
sin Pausegleen
2014 Us Alt Mach Neu
Basel baut völlig Ungeniert,
luegsch linggs wird baut,
luegsch Rächts wird flaniert
Haltstell uffe, Hyyser aabe,
Strosse uff und Stau dernääbe,
wie soll me das denn iiberlääbe? 
2013 Juhee mr Jubiliere
Mir jubiliere, doorum hänn mr e neii Häx,
do wärde d'Lyt denn ganz pherpläx
z'Basel lauffe mir syt 50 Joor,
s'isch kuum zem glaube, aber wirgglig woor
Voordraab sinn glaini Häxe
Guggemajoor isch d'Oberhäx im neie Stamm
s'Spiel isch s'Häxevolgg im neie Stamm
2012 Fasnacht mache wie s uns wool isch
Bald 50 joor sin mir scho uff dr Stroos,
hänn mänggi scheeni Fasnachte ka
und finde das famoos
Doch das Joor hänn mir dänggt,
soll eppis bsunders sy,
jeedes Mitgliid darf sy Lieblingsgoschdyym aazie
So kuurz vor em 50schte
sottisch d'Fasnacht numme gniesse
und s'näggscht Joor im neie Stamm fraidig jubiliere

2011

Waggis Ledig sucht ...
Mir maine, s'wurd sich loone,
dr Bligg fir Dradizioone
Im Lääbe nit z'verliere
mer wurde ys geniere
Ob's ruesst, ob's pfyfft ob's tschätteret
und dr Waggis wo abem Waage wätteret
E Waggis gseet me nimm so vyyl, das finde mir sooo schad
drum mache mer ys au in däm joor, als Waggis gäärn baraad
ob glassisch, ob modäärn
mir hänn dr Waggis gäärn.

 
2010 Do hilft kai Pfuuse oder Penne
s dien blutti Mentsche ummerenne
EXTASIA «is come to Basel»
wäge däm e riise Gfasel
D Basler dien sich fescht mokiere
und sich wäge däm geniere
Tout Bâle stoot Kopf und duet sich ziere
will nit si guete Ruef verliere
Das isch doch Gschyss um Nyt persee
e paar Blutti mache doch nit weh!!!

Voordraab: schämt sich!!!
Guggemajoor: isch e freiziigigi Baslere, wo an d Mass goot!!!
Spiil: schämt sich nit, sondern isch gueter Hoffnig, dass die Mass wilder kunnt!!!
2009 «Rauchverbott in de Basler Baize»
Z Basel git s e Raucherstop
das wird fir d Baizer e Riise Flop
D Raucher hänn scho e schwääre Stand
doch dr Staat, dä macht die hooli Hand
D Tabaktstyyr wird gäärn kassiert
dr Raucher aber diskriminiert

Guggemajoor: Macht die hooli Hand
Spiil: sinn die ungligglige Raucher, wo e Blätzli sueche, wo si kenne rauche
2008 «Schloofstadt Basel»
In Basel ka me nyt me mache
ooder wenn, so daarf s nit grache 
S Kasino wiird jetz doch nit baut 
wil dr Bebbi däm Ding nit draut 
Bim Fiooss und bim Tattoo losst me kai Läärm me zue 
dt^ nulilii 'ibi wil schlooffe, är wil halt si Rue 
aber wenn s e Fescht git, wann mir penne 
Kaini Böllerschüss und au kai Fiooss 
was isch nur mit dr Kulturstadt Basel loos?
2007 «We lörn Ynlisch in aim Day»
D BVB, hesch kenne heere
duet in 1 Daag Englisch leere
E Tourischt... mir wisse s sofort
kunt so ja nie ans richtig Ort
Voordraab: we go to Cortège
Requisit: zaigt aa: «The next Staischon»
Guggemajor: is The Teeecher
Spiil: mer leere und kenne s nit...
2006 «D Schwyz goot au an d Fuessball-WM»
Vordraab: sin Schlachtebummler

Guggemajor: het woorschyynlig dä Summer e Stress
Spiil: die wyntsche alle Länder vyyl Gligg, bsunders dr Schwyz!
2005 «Sogar dr Leu haut ab vo Ziiri»
Spiil: sinn Leue, deene s z bunt woorde isch und abghaue sinn ...

E paar Gleen us Ziiri kemme au mit ...
2004 «Sparivari» oder: «Du bisch duss!!»
Bim Staat wird gschpaart, es isch fatal

SPAARE, SPAARE ... es isch e Qual
Au d'Induschtrie spaart grèftig mit, und spaart, au wenn's nyt z'spaare git
S wird zensuriert und fusioniert, eliminiert und strukturiert
S wird an allne Egge gstriche, Sinn und Unsinn nimme vergliche
Voordraab: sinn ygspaart worde
Spiil: sinn diversi Fasnächtler, wo ygspaart worde sin!
2003 E Verein, vor 40 Joor gebore
fyrenand ystooh, hett me sich gschwore
e Ort, wo me ka minander lache
d'Sorge vergässe, Fasnacht mache
säll hett me erreicht, ganz ohni "Magie"
doch mängmool wott me e Wäse si
wo ka zaubere, häxe oder verändere
das dr Bebbi darf glygglig duur Basel schländere
und das Joor laufe mer als soone "Wäse"
in dr Formation oder uff em Bäse
2002 Do kasch nimm penne, muesch grad renne!
Guggemajor: suecht dr schnällscht Wääg an d MUBA
Spiil: Die verschloofene Fasnächtler, wo grad in dr MUBA-Uusgangs-Schale Fasnacht mache mien, ass si kai Zyt verliere und rächtzyttig an d MUBA kenn go.
2001 Das Joor wärde d Lyt uns kenne
mir geen als die vom Änterenne,
mer schwimme zwar nit uff em Rhy
do fallt uns ebbis bessers yy.
E richtig tolle Äntestau
das zaige mir am Cortège au
und s isch e so, denn allenthalbe
passe d Änte zu de Schwalbe
2000 Hippie 2000
S‘foot e neyi Joordausig aa
und mir wänn Eich saage, dängget do draa.
Was uff deere Wält alles ka passiere
wenn meh duet d‘Yybersicht verliere.
D‘ Bluemekinder hänn sich ganz versässe
Yygsetzt fyr viil wo meh nit sotti vergässe.
Fyr Liebi, Freyhait und Friide uff dere Wält
und das no meh wichtig isch als Wohlstand und Gäld.
Unseri Botschaft im neyie Joordausig isch klar
Göönt uffenander zue, sait Eych e bunti Schar.
1999 VIAGRANITIS - juhui, miir hänn s au ...
Dr Voordraab luegt, as gluegt isch

Dr Major isch en arm Miggeli, wo muess abseggle vor
de VIAGRANISIERTE Bebbi
Im Spiil sinn zfriideni, viagranisierti und gliggligi Bebbi
1998 Will miir so guet nit kenne dichte -
dien mir uf dr Värs verzichte!
Dr Voordraab isch kai Hilf - aber es sin glatti
Dr Major quasimödelet, ka s aber nit
Dr Zuug esmeräldelet, hänn au kai Aanig
1997 "I glaub, i spinn, dr Wurm isch dinn"
denn wotsch d z Basel Fasnacht mache,

muesch im Schuss sy, ooni z lache;
nit nur 3 Daag, wo d duesch marschiere,
derfsch au duur s Joor kai Faade verliere.
Bald alli hänn e aigene Oobe
Vorfasnacht bi de Schwoobe,
an Wettbewärb go digg blagiere
und jo kai Rappe Gäld verliere.
Wenn i das heer, so bin i froh -
bi uns isch es nämlig nit esoo.
1996 "Alli Joor dien mir, s isch kai Posse,
am Rädäbäng-Värs knyyble unverdrosse
und dien uns blooge wäge däm,
worum, wieso, wievyyl, mit wäm.
Doch s letscht Joor het kai Mensch verstande
worum mir als Deifel dur Basel wandle,
denn s Comité het, es isch veruggt,
dr halb Värs vo uns verschluggt,
doch e <Schwälbeli> het kai Stachel zem s Comité stupfe
drum dien mir als <Bienli> duur Basel hupfe."
1995 S isch verdeiflet
Dr Major isch e Oberdeifel,

d Muusiger deifle ummenand
1994 Mir bassen is im Schwyzer Färnseh aa
Im Färnseh Si, das isch dr Hit,

jedi Clique macht do mit,
kunnt e Gugge in s Färnseh z schalpe
dien si sofort iibereschalte.
Fir dumm leen mir uns nit verkaufe,
drum dien mir jetzt als Naare laufe.
1993 "Syt 30 Joor scho steen mir y"
Syt 30 Joor sin mr an dr Fasnacht derby

Drum dien mir das Joor au fescht glänze
und dien als "Je t'aimerli Gumsle" schränze!
1992 700 Johr - Schniffle - äxgüsi -
701 Johr - Schniffle - nyt drzue glehrt
S Requisit wird beschnifflet,

dr Major schnifflet voruus und s Spiil hindedry
1991 FG-IG + EFTA-EG-CH
S Requisit zaigt die aagschlageni Schwyz,

dr Major het noonig fusioniert,
dr Zug isch e Häxewärgg
1990 Kinderauge wärde gross
denn jetzt laufe 30 ... dur d Stross
Im Zirkus gsehsch fascht kaini meh
drumm sotsch d Rhyschwalbe das Johr gseh
1989 Roote isch by unserem Sujet am Platz:
"Wär fyrt dr Sächzigscht und het Angscht vor dr Katz?"
Dr Major isch dä wo Angscht het, 25 Wybli schränze

1988 Au an unserem 25schte wänn mir numme dr Plausch haa
und leege ganz aifach das Joor e Waggis aa!
1987 Hurra, hurra, ändlig hän au mir e scheen Goschdym aa!
Dr Major isch im Gala und d Muusiger in Schale

1986 Ai Johr Vignette, s isch en Erfolg -
mer hänn e stoggsuurs Schwoobevolgg
Hinter dr stränge Helvetia laufe 33 stoggsuuri Schwoobe

1985 Juhui, oh jeh, jetzt isch es gscheh,
mir hänn kai Schuelhuus-Abwart meh
Dr Major isch dr Abwart wo vonere kunterbunte Schielerschar vertribe wird

1984 Bym Radio-Salat mache mir au mit,
Radio Rhyschwalbe spilt Hit uff Hit
Fir d Tächnik sinn 28 Schwalbe verantwortlig,

dass dr Major uss em fahrende Studio sände ka (29)
1983 Abgas dert, Lärmschutz do,
so sinn mir uff s Fleetli ko
Dr Major als Bundesroot Schlumpf, schlumpft als Schlumpf voruus,

hindedry schlyche 27 Ängeli wo d Lärmschutzvorschrifte befolge
1982 s Färnhaizkemmi, sait d Regierig, syg scheen,
do sinn mir Styrzahler d Gleen
s Requisit zaigt e Kemmi-Salat,

dr Guggemajor isch e verruggte Kinschtler,
hindedry schlurfe 27 Gleen wo Styre zahle
1981 Wenn de als Waggis in dr Schwyz duesch biffle,
muesch uffbasse, dr Douanier vornedra duet schniffle
Dr Major isch dr Zeller wo spioniert

und hindedry schlurpe 37 Waggis wo prellt sinn
1980 Wär bim Wärbe so übertrybt,
muess rächne, dass em nyt me blybt
Dr Tambourmajor isch aine vo däne Wirt,

wo bi dr Gäldspilautomate-Abstimmig verlore hän,
hindedry laufe 23 Wärbe-Symbol
1979 TAT-bestand: TAT
Dr Tambourmajor isch dr Schawinsky, won e Tritt in Hinter bykunnt,

hindedry laufe 28 enttyschti Zytigsverträger mit dr letschte "guete" Tat
1978 Swiss Lady
E Mustapha mit 27 Swiss Ladies

1977 D Basler Fyrwehr isch e Hit,
s Bruucht die dritti Aggs jetzt nit
Im Vortrab sinn die kantonale Motorfahrzyg-Expärte,

dr Tambourmajor isch e Bundeswaibel
und d Gugge sinn Fyrwehrlyt
1976 Dr Guggemajor als Basler Wittwe mit 18 Karlehin
1975 Globus-Vernissage
Dr Vortrab isch d Securitas,

dr Major isch dr Globi,
und d Schränzer kemme als Ganove,
s Requisit isch e kalt Buffet
1974 (Dr Guggemajor als Alti Dante mit Waggis hindedraa)
1973 10 Johr Rhyschwalbe mit 24 Dummbeeter
1972 Hösch Fisch kasch no schwimme!
24 verschlammti Fisch

1971 Ka mer ebber sage, was me hit soll trage?
1970 D Gratiswälle
Dr Major isch dr Diräggter (G)-Düggeli,

d Schränzer sinn syni Muusehiehner
1969 s gärschtig Schneewittli mit de 3 X 7 Groosroot-Zwärgli
1968 Das Sujet kan-n-is niemerts mugge,
5 Johr alt isch jetzt unseri Gugge
1967 E-n-Alti Dante vorne,
d'Bajasse hindenoo,
au in unserer Gugge
isch's Frauestimmrächt ko
1966 E vergässe Maa! (Fährimaa)
1965 Mr kemme ohni Gaschtarbeiter
1964 Mer kemme in Charivari
Hinweis: Leider würden die Fasnachts – Sujets, bzw Verse jeden Reim und dadurch jeden Sinn verlieren, wenn wir sie ins hochdeutsche übersetzen würden.
Daher ist es besser, du versucht unser „Baseldytsch“ zu lesen, denn so schwer ist es nicht, es zu verstehen. Aber vielleicht probierst Du es trotzdem diese Zeilen zu lesen, wenn Du dich dabei amüsiert, dann hast Du wieder einmal etwas für die Lachmuskulatur gemacht, was Dir auch nicht schaden wird!

Aktualisiert (Freitag, den 17. Februar 2017 um 14:11 Uhr)

 
<<  Oktober 2017  >>
 Mo  Di  Mi  Do  Fr  Sa  So 
        1
  2  3  4  5  6  7  8
  9101112131415
161719202122
232426272829
3031     
Anmeldung

Benutzername

Passwort

Angemeldet bleiben

Wer ist online
Wir haben 19 Gäste online